კიკილაანთ ეკლესია

17:03, 5 ივლისი 2020-ის ვერსია

კიკილაანთ ეკლესია - ეკლესია მდებარეობს საქართველოში, შიდა ქართლში, გორის მუნიციპალიტეტში, სოფელ უფლისციხის აღმოსავლეთით, 0,5 კმ-ზე, მდინარე მტკვრის მარჯვენა მხარეს. თარიღდება გვიანდელი ფეოდალური ხანით.

აღწერილობა

ეკლესია დარბაზულია (6,5 X 4,2 მ), ნაგებია რიყის ქვით. შესასვლელი სამხრეთითაა. ნახევარწრიულ, ოდნავ ნალისებრ აფსიდში ერთი სარკმელი და ორი მცირე ნიშია. ერთი სარკმელი დასავლეთ კედელშია. გადახურვა არ არის შემორჩენილი.

წყარო

საქართველოს ისტორიის და კულტურის ძეგლთა აღწერილობა