ერეკლეს აბანო

მიმდინარე ცვლილება 13:09, 5 თებერვალი 2022 მდგომარეობით

ერეკლეს აბანო

ერეკლეს აბანო - არქიტექტურული ძეგლი ქალაქ გორში რუსთაველის ქ. 41. თარიღდება გვიანდელი ფეოდალური ხანით.

[რედაქტირება] აღწერილობა

აბანო გეგმით სწორკუთხაა (22X12,2 მ), ნაგებია ნატეხი ქვით. კონსტრუქციის ნაწილები – კედლების კუთხეები, შეისრული თაღები, ნახევარსფერული გუმბათები და სასინათლო ხვრელები აგურითაა ნაწყობი. სარესტავრციო სამუშაოები 1957–58 წწ. ჩაატარა სპეციალური სამეცნიერო-სარესტავრაციო საწარმო სახელოსნომ (ხელმძღვ. ა. გოგელია). აღადგინეს დიდი სათავსის გუმბათი. 1983 წელს ჩატარდა შენობის კონსერვაცია (ხელმძღვ. დ. ჭიკაიძე).

აბანო ორი სათავსისაგან შედგება. ორივე სათავსს შესასვლელი სამხრეთიდან ცალ–ცალკე აქვს. შენობის აღმმოსავლეთ კედელში მოგვიანებით კიდევ ერთი კარი გაუჭრიათ. თითოეული შესასვლელის მარჯვენა მხარეს დეკორატიული ნიშია (ამოშენებულია). სათავსები გადახურულია შეისრულ თაღებზე დამყარებული გუმბათებით. გუმბათქვეშა კვადრატიდან გუმბათზე გადასვლა განხორციელებულია აფრების საშუალებით. შედარებით მოზრდილი აღმოსავლეთ სათავსის გუმბათში გაჭრილია შვიდი წრიული ხვრელი, ხოლო დასავლეთისაში – ოთხი. სათავსებს შორის არსებულ თაღოვან მალში 1 მეტრის სიმაღლეზე ამოყვანილია გადამღობი კედელი, რომელშიც გაჭრილია ორი თაღოვანი და ერთი სწორკუთხა ხვრელი. ასეთივე ხვრელებია აღმოსავლეთ სათავსის აღმოსავლეთ კედელშიც. აბანოს კედლები შიგნიდან შელესილია.

[რედაქტირება] წყარო

საქართველოს ისტორიისა და კულტურის ძეგლთა აღწერილობა