ბარამიძე ილია

12:48, 21 თებერვალი 2022-ის ვერსია

ილია ბარამიძე

ბარამიძე ილია − (1947), ილია ბარამიძის პირველი ლექსი 1965 წ გაზეთ „თბილისის უნივერსიტეტში” დაიბეჭდა. სტუდენტობის წლებში იყო ალმანახ „პირველი სხივის” სარედაქციო კოლეგიის წევრი. გამოცემული აქვს კრებულები: „ნაადრევი ყოჩივარდები” და „გაგრული რვეულიდან”, ავტორია ასევე საბავშვო და პუბლიცისტური ხასიათის კრებულებისა.

* * *

აღარ ყიდულობ უკვე მიმოზებს,

სარკეში ცქერამ დაკარგა აზრი...

ასაკი, ქალს რომ გაცვლი ღვინოზე,

გიახლოვდება პანტერის ზლაზვნით.

შენ ჭადარივით ქარებმა გძარცვეს

და ფოთოლ-ფოთოლ წაგართვეს დღენი...

ხელისგულიდან გიკენკავს მარცვლებს

ფრთამოტეხილი ბავშვობა შენი

წყარო

ქართველი პოეტები (ენციკლოპედია)