ძერანა

მიმდინარე ცვლილება 16:51, 9 მარტი 2022 მდგომარეობით

ძერანა (ლათ. Polyporus squamosus. Fr. რუს. Трутовик чешуйчатый)

ქუდი – 5-60 სმ, იზრდება ერთეულებად ან შეერთებულია რამდენიმე ეგზემპლარი ერთად, დასაწყისში მომრგვალოა და ელასტიურ-ხორცოვანია შემდეგ – თირკმლისებრი, მარაოსებრი, ზედაპირი დაფარულია კონცენტრულად განწყობილი ყავისფერ და მუქმურა ზედაპირზე გაკრული ქერცლებით, ღია-მოყვითალოა, ჟანგმიწისფერია და მომწიფებისას თითქმის მურაა, ჰიმენოფორი დასაწყისში თეთრია, შემდეგ – მოყვითალო. მილები დაღმავალია, ფორები მსხვილი კუთხოვანი, უსწორმასწოროდ დაკბილული კიდეებით.

ფეხი – მოკლეაб 1-3 სმ, ჩვეულებრივб გვერდითი, ექსცენტრული, იშვიათად ცენტრალური, ძირში გაგანიერებული და მუქმურა ან შავია, ზედა ნაწილში თეთრია ან ღია-მოყვითალო, ბადისებრ-ფოროვანი, სქელი და მკვრივი.

რბილობი – თეთრია ან მოყვითალო, ჯერ წვნიანი, მსუბუქი, ხორციანი, შემდეგ მაგარი – კორპისებური. სპორები – 10-14X4-5 მკმ, წაგრძელებულ-ელიფსისებრია, უფერული. სპორების მტვერი – თეთრი.

იზრდება მკვდარ და დაზიანებულ ხეებზე, განსაკუთრებით წიფელსა და თელაზე, მთელ სავეგეტაციო პერიოდში. საქართველოში ყველგან გვხვდება. საჭმელია ნორჩობაში, წინასწარი გათუთქვის შემდეგ. სიმწიფეში კორპდება და საჭმელად არ გამოიყენება.

[რედაქტირება] წყარო

საქართველოს სოკოები