ოტორეა

00:00, 11 მარტი 2022-ის ვერსია

ოტორეა (ჩირქდენა ყურიდან) – ჩირქდენა ყურიდან, როგორც წესი, ოტოსკოპიის გარეშეც შესამჩნევია და მისი მიზეზი გარეთა ან შუა ყურში განვითარებული ინფექციური პროცესია.

ამის დასაზუსტებლად ოტოსკოპიური გამოკვლევაა გასაკეთებელი.

NOTA BENE

• ყურიდან ჩირქდენის არარსებობა არანაირად არ ადასტურებს ქრონიკული ოტიტის არარსებობას;
• ქრონიკული ოტიტის მატარებელ პაციენტში, მწვავე ოტორეა შესაძლოა სერიოზული გართულებების მიზეზი გახდეს;
• ბავშვებში ჩირქოვანი ოტიტი, შესაძლოა, თვეების მანძილზე გართულებების გარეშე მიმდინარეობდეს;
• ზოგიერთ შემთხვევაში, ყურის წვეთების სისტემატური და ხანგრძლივი დანიშვნა უშედეგოა და მეტიც, შესაძლოა გამოიწვიოს შიდა ყურის ინტოქსიკაცია.

სიხლიანი ოტორეა-ოტორაგია ან ცერებროსპინლური ოტორეა, უმთავრესად, ტრავმული დაზიანებების დროს გვხვდება. თუმცა, შესაძლოა, ავთვისებიანი პროცესების შემთხვევაშიც განვითარდეს. ეს შემთხვევები სპეციალიზირებულ, ჰოსპიტალურ დახმარებას ითხოვს.

სპეციალიზირებული მკურნალობის დაწყებამდე მნიშვნელოვანია:

a. არასდროს დაინიშნოს ყურის წვეთები;

b. გაკეთდეს ყურზე სტერილური ნახვევი;

c. დაინიშნოს სისტემური ანტიბიოტიკური მკურნალობა პენიცილინის ჯგუფის მედიკამენტებით;

წყარო

ოტო-რინო-ლარინგოლოგია და თავ-კისრის პათოლოგიები