ანგელოზი

14:58, 14 თებერვალი 2017-ის ვერსია

ყინწვისის მონასტერის ფრესკა.

ანგელოზი - (ბერძ.) მაცნე, მახარებელი ბიბლიური სწავლებით, ანგელოზები ღვთის მიერ შექმნილი უსხეულო ზებუნებრივი არსებებია.

ამ სულთაგან ზოგიერთები, სატანისაგან ცდუნებულნი, ღმერთს აუმხედრდნენ და იქცნენ წყვდიადის ანგელოზებად - ეშმაკებად. ღმერთის ერთგულმა ანგელოზებმა კი მისგან მიიღეს განღმრთობა. მათი მეშვეობით ღმერთი ამცნობს ადამიანებს თავის ნებას.

ღვთისმეტყველი დიონისე არეოპაგელი თავის ტრაქტატში „ციური იერარქიის შესახებ“ - აღწერს ანგელოზთა სამ იერარქიას, რომელთაგან თითოეული იყოფა სამ ხარისხად. პირველი უმაღლესი იერარქია შესდგება სერაბიმთა, ქერუბიმთა და საყდართაგან, მეორე - უფლებათა, ძალთა და ხელმწიფებათაგან, მესამე - საწყისთა, მთავარანგელოზთა და ანგელოზთაგან.

ორთოდოქსული ქრისტიანული ტრადიცია სახელით მოიხსენიებს ცხრა მთავარანგელოზს:

• მიქაელი,
• გაბრიელი,
• რაფაელი,
• ურიელი,
• სელაფიელი,
• ეგუდიელი,
• ვარაქიელი,
• იერომიელი,
• ტახნილი.

ღმერთი ყოველ ადამიანს დაბადებისთანავე მიუჩენს მფარველ ანგელოზს, შემწედ კეთილ საქმეებში.

წყარო

ბარბაქაძე ლია. ჯიბის ცნობარი მართლმორწმუნე ქრისტიანისათვის; თბილისი, 2013 წ.