ბღავანა

მიმდინარე ცვლილება 12:32, 17 მარტი 2022 მდგომარეობით

ბღავანა (ლათ. Russula emetica (Schauff.: Fr.) S.F.Gray რუს. Сыроежка жгуче-едкая)

ქუდი – 10 სმ-მდე დიამეტრისაა, ჯერ ამობურცულია, შემდეგ – გაშლილი და შუაში რამდენადმე ჩაღრმავებული, ზედა პირი წებოვანია, კანი ადვილად ძვრება, ღია წითელია. ფირფიტები თეთრია.

ფეხი – 5-8 სმ სიგრძისა და 1-1,5 სმ სისქისაა, ცილინდრული, თეთრი ან ჭუჭყისფერ-ვარდისფერი.

რბილობი – თეთრია და ძალიან ცხარე.

სპორები – ფართო ელიფსისებრია, ხორკლიანი ზედაპირით, 7,5-12X6-9,5 მკმ.

იზრდება ნიადაგზე ტყეში ზაფხულ-შემოდგომით. საჭმელად მხოლოდ მწნილის სახით, წინასწარ დალბობის შემდეგ გამოიყენება.

[რედაქტირება] წყარო

საქართველოს სოკოები