ტრეპელი

04:06, 21 მარტი 2022-ის ვერსია

ტრეპელი (კროკუსი, მთის ფქვილი, ინფუზორული მიწა) (გერმ. tripel < ჩრდილოეთ აფრიკის ქ. ტრიპოლის სახელის მიხედვით) – წვრილფორებიანი ფხვიერი ან სუსტად შეცემენტებული დანალექი ქანი. ძირითადად შედგება ოპალის, ზოგჯერ ქალცედონის სფერული ფორმის 0,01-0,02 მმ ზომის ნაწილაკების – გლობულებისაგან. მეტად მსუბუქია. იყენებენ საიზოლაციო, აბრაზიულ და საშენ მასალად, აგრეთვე როგორც შთანთქმელს და კატალიზატორს.

წყარო

სამშენებლო ენციკლოპედიური ლექსიკონი