ლაშხელი-ონიანი ანა

16:38, 22 მარტი 2022-ის ვერსია

ლაშხელი-ონიანი ანა − (1986 − 2018), პოეტი. დაიბადა სვანეთში. სწავლობდა ქუთაისის აკაკი წერეთლის სახელობის უნივერსიტეტში ფილოლოგიისა და ინგლისური ენისა და ლიტერატურის ფაკულტეტებზე, შემდეგ კი თბილისში ჟურნალისტიკის ფაკულტეტი დაამთავრა. გამოცემული აქვს კრებულები: „მთვარის სევდა“, „მეოცე გაზაფხული“ და „თეთრი და შავი“.

წვიმა

წვიმს... და იწვიმოს... არაფერია,

მტკივა და იყოს! − დაე, მტკიოდეს,

წვიმდეს და სევდა, როგორც ეს წვიმა,

სახურავებზე გადადიოდეს.

წვიმს... ნესტიანი სულის კედლები

ათასმეერთედ უსმენენ მოცარტს...

ვერცერთ ნასახლარს ვერ შეედრები

შენ, ჩემო თავო, მარტო ხარ როცა.

წყარო

• ქართველი პოეტები (ენციკლოპედია)