თირეოტოქსიკოზი

00:58, 4 აპრილი 2022-ის ვერსია

თირეოტოქსიკოზი - (thyrotoxicosis), პათოლოგიური მდგომარეობა, რაც განპირობებულია ორგანიზმში ფარისებრი ჯირკვლის ჰორმონების პროდუქციის სიჭარბით. ამ მდგომარეობის მიზეზი შეიძლება იყოს:

ხშირი მიზეზები:

— ბაზედოვის დაავადება;

— მრავალკვანძოვანი ტოქსიკური ჩიყვი;

იშვიათი მიზეზები :

— ადენომა;

— თირეოიდიტები: ქვემწვავე, Hashimoto-ს თირეოიდიტი;

— ინტოქსიკაციური: იოდის ან ჰორმონის მიღების გამო;

ძალიან იშვიათი მიზეზები:

— ჰიპოფიზარული;

— ავთვისებიანი დაავადებები: ფარისებრი ჯირკვლის და საკვერცხის კიბო;

კლინიკური ნიშნები

თირეოტოქსიკოზის გამოვლენა შესაძლოა იყოს ძალიან აშკარა და, ამავე დროს, ფარულიც.

მისი კლასიკური გამოვლინება, როგორც წესი, იძლევა ასეთ ნიშნებს:

— ტაქიკარდია, არითმია;

— ხშირი აღგზნებადობა და ხასიათის „გაფუჭება“;

— უძილობა;

— კიდურების კანკალი;

— ოფლიანობა და წამოხურებები;

— დაღლილობა;

— კუნთების სისუსტე;

— წონაში სწრაფი დაკლება;

— პოლიფაგია;

— ძვლების დემინერალიზაცია;

დიაგნოზი ისმება სისხლში T4 და TSH ჰორმონალური ტიტრის დადგენით.

წყარო

ჯანდაცვის მსოფლიო ორგანიზაციის ფსიქიატრიის ლექსიკონები