ნაროუშვილი ლია

13:56, 6 აპრილი 2022-ის ვერსია

ნაროუშვილი ლია − (1957), პოეტი. დაიბადა ზუგდიდში. სწავლობდა გლდანის პირველ რესპუბლიკურ სპორტულ სკოლაში, ზუგდიდის რაიონის სოფელ ოქტომბრის საშუალო სკოლაში. რიგის სახელმწიფო უნივერსიტეტში. სპეციალობით არის ფილოლოგი. მისი პირველი ლექსი დაიბეჭდა, როცა ის მეოთხე კლასში იყო, ზუგდიდში გამომავალ გაზეთ მებრძოლში. ქართულ ენას და საქართველოს ისტორიას ასწავლიდა მოსკოვის კეთილშობილთა სასწავლებელში. გამოცემული აქვს ექვსი პოეტური კრებული, მათ შორის − „მზის ბილიკი”.

წერილი მეგობარს

აქ ფოთლები შეუყვითლდა აკაციას,

ფარჩის კაბა ალუჩასაც არ აცვია,

საქართველოს ზეგნები და დაბლობები,…

ვიცი, ამ დროს გასაოცრად წარმტაცია.

მომიკითხე რუსთაველზე მოარული

ანცი მთვარის განაჭორი ქარი,

მომიკითხე ჩემი უბნის მათხოვარი

მსოფლიოზე გადაღლილი დარდით.

ვერ გაიგებ, აქაური მრუდე კიბე

ჩაიხსნება ცა − ძაბრული როდის,

ერთი ვიცი, იქნებ უთხრა ყველას −

საქართველოს გაბრწყინება მოდის!

წყარო

ქართველი პოეტები (ენციკლოპედია)