რურუა ოთარ

22:06, 8 აპრილი 2022-ის ვერსია

რურუა ოთარ – (1987), პოეტი. დაიბადა ფოთში. 2004 წელს დაამთავრა თბილისის 166-ე საშუალო სკოლა და იმავე წელს ჩაირიცხა საქართველოს ტექნიკური უნივერსიტეტის ჰუმანიტარული ფაკულტეტის სამართალმცოდნეობის სპეციალობაზე, რომელიც დაამთავრა 2008 წელს და სწავლა გააგრძელა უნივერსიტეტ „მეტეხის“ ბიზნეს-ეკონომიკის მაგისტრატურაში. მაგისტრატურის კურსი დაამთავრა 2010 წელს.

* * *

საქართველოში თუ დაიბადე

ნუ მიეცემი ძილსა საღათას,

ურჩობისა და ღალატისათვის

თავს წაგაცლიან, როგორც პაატას.

საქართველოში თუ დაიბადე

დაგკორტნის ყვავი, ფრთებს როცა გაშლის...

სალ კლდიდან მეფის გაცემისათვის

გადაგაგდებენ ვით ყორღანაშვილს.

თუკი გადასწყვეტ ტაძრის აგებას,

უნდა ააგო ტაძარი მტკიცე;

კარგს ააგებ და ემაგ მარჯვენას

ისე მოგჭრიან, ვით არსაკიძეს.

გაიხარებენ შადიმანები,

თუ გიხილავენ ქართველს დარდიანს...

პაპანაქება სიცხეში ტანზე

თაფლს წაგისვამენ, როგორც დადიანს!..

ამიტომ უნდა მტკიცედ იდგე და

სულიერადაც არ უნდ დაეცე,

კოსტავასნაირ ადამიანებს

დღეს ქართველობა სანთლით დაეძებს.

ვიყავით, ვართ და კიდეც ვიქნებით,

მრავალჭირვარამგადახდილები...

თავისუფლების სადარაჯოზე

დგანან ახალი ავთანდილები!!!

წყარო

ქართველი პოეტები (ენციკლოპედია)