არმაზი
NPLG Wiki Dictionaries გვერდიდან
(სხვაობა ვერსიებს შორის)
(ახალი გვერდი: '''არმაზი''' – ქართველთა მთავარი ღვთაება ქრისტია...) |
15:20, 28 თებერვალი 2017-ის ვერსია
არმაზი – ქართველთა მთავარი ღვთაება ქრისტიანობის შემოსვლამდე. მისი კერპი მცხეთის სამხრეთით მთაზე იდგა. ასეთი შესახედაობისა იყო იგი მატიანის მიხედვით: ტანი სპილენძის ჰქონდა, ეცვა ოქროს ჯაჭვის პერანგი, თავზე ოქროსავე ჩაფხუტი ეხურა, ხელში გალესილი მახვილი ეჭირა, რომელიც თვალისმომჭრელ ბრწყინვალებას აფრქვევდა. მის ხელმარჯვნივ სხვა კერპი იდგა, უფრო მომცრო, ოქროსი, სახელად გაცი, ხოლო ხელმარცხნივ ვერცხლისა – სახელად გა. მისი სახელი მოდის აჰურამაზდადან, რომელიც ძველ ირანელთა მთავარი ღმერთი იყო.
