ონელი არნო

მიმდინარე ცვლილება 15:00, 28 აპრილი 2022 მდგომარეობით

არნო ონელი

ონელი არნო − (1901 − 1979) ქართველი მწერალი და პოეტი. ნამდვილი გვარი – ბურდილაძე. დაიბადა სოფელ მოედანში (ონი). მისი პირველი ლექსი − „შემოღამების ესკიზი” − დაიბეჭდა 1922 წელს „გალაკტიონ ტაბიძის ჟურნალში”, ხოლო პირველი წიგნი – „მთები” − გამოიცა 1927 წელს. არის ავტორი საბავშვო ლექსების კრებულებისა: „ცრემლი და სიხარული” (1935), „ფრიადოსნები” (1940).

ტყის ზღაპარი

მისი დუმილი ღამით, დილითაც

იქნებ ზმანება ჰგონია ვისმე,

მე კი ნიადაგ ამ დუმილიდან

რაღაც იდუმალ გალობას ვისმენ.

ვისმენ და სული ჩემი სავსეა

შეუცნობელი მუნჯი ბგერებით

და სხვანაირი გრძნობიერებით

მამცნობს ბუნება თავის ხასიათს,

მზე ამოვა და ცისფერ იებით

მორთულ სივრცეს რომ მიეფარება,

ჰიმნს უმღერებენ ტყის ფერიები

სილამაზეს და მშვენიერებას.

[რედაქტირება] წყარო

ქართველი პოეტები (ენციკლოპედია)