ფოლადის ცივჭიმული არმატურა
(ახალი გვერდი: '''ფოლადის ცივჭიმული არმატურა''' – [[არმატურა (სამშენებლო მასალ...) |
მ (მომხმარებელმა Tkenchoshvili გვერდი „ფოლადის ცივჭიმული არმატურა“ გადაიტანა გვერდზე „[[არმატურა ფოლა...) |
14:38, 4 მაისი 2022-ის ვერსია
ფოლადის ცივჭიმული არმატურა – არმატურის სახეობა, რომელიც იყოფა საარმატურე მავთულად და საარმატურე მავთულოვან ნაკეთობად. რუსული სამშენებლო ნორმების შესაბამისად, საარმატურე მავთული არის ორი კლასის – B-I და B-II. B-I წარმოადგენს ჩვეულებრივ საარმატურე ცივჭიმულ მავთულს, მიღებულს ნახშირბადმცირე ფოლადისგან. გამოიყენება ჩვეულებრივ (დაუძაბავ) არმატურად; B-II არის მაღალი სიმტკიცის ცივჭიმული ნახშირბადოვანი ფოლადის საარმატურე მავთული დროებითი წინაღობით 180 კგ/მმ2, დიამეტრით 3-8 მმ. პერიოდული პროფილის საარმატურე მავთულის აღსანიშნავად ინდექს "B"-ს უმატებენ ინდექს "р”-ს, რაც ნიშნავს – დაღარულს (მაგ., Вр-II). ის წარმოადგენს წრიული განივკვეთის ღეროს ხშირად განთავსებული ნაჭდევებით (შენატლეჟებით), რომლებიც შემოსაზღვრულია ცილინდრული ზედაპირით. საარმატურე მავთულოვანი ნაკეთობები მზადდება წნულის, ბაგირისა და შენადუღი ბადის სახით.
