არმატურის ბადე

მიმდინარე ცვლილება 12:13, 13 მაისი 2022 მდგომარეობით

არმატურის ბადე – რკინაბეტონის კონსტრუქციებში არმატურის ერთ-ერთი სახეობა. ბადის ღეროების დიამეტრის მიხედვით არსებობს არმატურის ბადე მძიმე და მსუბუქი. მძიმეს მიეკუთვნება ბადე, რომელსაც აქვს ერთი მიმართულებით 12 მმ და მეტი დიამეტრის ღეროები; მსუბუქს – გრძივი და განივი მიმართულებით ღეროები 3-10 მმ დიამეტრით. მუშა არმატურის განლაგების მიხედვით განასხვავებენ: ბადეებს მუშა არმატურით ერთი მიმართულებით და გამანაწილებელი არმატურით მეორე მიმართულებით და ბადეებს, მუშა არმატურით ორივე მიმართულებით. მზადდება არმატურის ბადე შემდეგი ტიპის:

1) მძიმე, მუშა არმატურით გრძივი მიმართულებით, რომლის დიამეტრი მეტია გამანაწილებელი არმატურის დიამეტრზე;

2) მძიმე, მუშა არმატურით ორივე მიმართულებით;

3) მძიმე, მუშა არმატურით განივი მიმართულებით, რომლის დიამეტრი მეტია გამანაწილებელი არმატურის დიამეტრზე;

4) მსუბუქი, განივი ღეროებით ბადის მთელ სიგანეზე;

5) მსუბუქი, შერეული განივი ღეროებით. ღეროების ერთმანეთთან გადაბმა ხდება წვრილი მავთულის ნასკვით ან შედუღებით.

[რედაქტირება] წყარო

სამშენებლო ენციკლოპედიური ლექსიკონი