კალმატრონი

14:04, 27 ივნისი 2022-ის ვერსია

კალმატრონი – ცნობილი ამერიკული საშენი მასალა, ბეტონის დანამატი, შეუღწევადი მოქმედების ჰიდროიზოლაცია, ეკლოგიურად სუფთა, არატოქსიკური პროდუქტი. ბეტონის ნარევში ემატება ცემენტის მასის 2-3% (ოპტიმალურია 10 კგ/მ³), ზრდის წყალუჟონადობას W6-W20-მდე, სიმტკიცეს – 40%-მდე და აგრესიულ გარემოში ექსპლუატაციის ვადას – 5-10-ჯერ. კალმატრონით ნარევი ბეტონი უზრუნველყოფს სრულ წყალშეუღწევადობას ფუძე-საძირკვლებში, ბრტყელ გადახურვებში, წყალსაცავებში, აუზებში, გვირაბებში, სარდაფებში, მიწისქვეშა ავტოფარეხებში, კაშხლებსა და სხვ. უძლებს როგორც დაბალ, ისე მაღალ ტემპერატურას –55-დან +1500°C-მდე. აქვს ბიოციდური თვისებები და გამოყენებადია კვების მრეწველობაში, სასმელი წყლის საცავებში, საცურაო აუზებში. ბეტონში ასრულებს პლასტიფიკატორის ფუნქცისაც. 2011 წლის მარტიდან იწარმოება საქართველოში.

წყარო

სამშენებლო ენციკლოპედიური ლექსიკონი