მაგიდა
(ახალი გვერდი: საკაბინეტო მაგიდა '''მაგიდა''' – ავეჯის ნაკეთო...) |
მიმდინარე ცვლილება 16:19, 20 ივლისი 2022 მდგომარეობით
მაგიდა – ავეჯის ნაკეთობა, რომელსაც ფუნქციურად ხელმისაწვდომი სიმაღლის მქონე ზედაპირი აქვს. გამოიყენება სამუშაოდ, საკვების მისაღებად, ნივთების დასაწყობად და სხვ. საქართველოში ტერმინი გაჩნდა XVIII საუკუნეში (მანამდე ეწოდებოდა ტაბლა). დასტურდება სამი სახის მაგიდის არსებობა: მაღალფეხიანი, დაბალფეხიანი და საფენი სუფრა. იყო აგრეთვე საწიგნეები (პიუპიტრებიანი მაგიდა), რომელზედაც იდებოდა საეკლესიო წიგნები მკითხველებისათვის. ჩვეულებრივი სასაუზმო მაგიდების პროტოტიპები აღბეჭდილია უბისისა და გელათის მხატვრობაში, უცხოელ მოგზაურთა ჩანაწერებში და სხვ.
არსებობს მაგიდის მრავალი სახეობა: ასაწევი, ბილიარდის, გასაშლელი, გორგოლაჭებიანი, ჟურნალ-გაზეთების, კომბინირებული, ლომბერის, მბრუნავი (გამოიყენება ჩარხთმშენებლობაში), მგორავი (საავადმყოფოებისათვის), მისადგმელი, მოძრავი, მოწაფის, მრგვალი, ოვალური, ოთხკუთხა, საბანკეტო, საბავშვო, საკაბინეტო, საკანცელარიო, საკეცი, სამზარეულოს, სასადილო, სატელეფონო, ტუალეტის (აღჭურვილი სარკეებითა და უჯრებით), საწერი, საჭადრაკო, სახაზავი, სახარისხებელი, ტელევიზორის, ჩაშენებული, ჭურჭლისა და სხვ.
