ბალბასი

13:50, 17 აგვისტო 2022-ის ვერსია

ბალბასი - ცხვრის ჯიში, რომელიც გავრცელებულია სომხეთსა და აზერბაიჯანში. სომხეთში გვხვდება, უმთავრესად, ნორბაიაზეთის რაიონში. ყველაზე უფრო ტიპობრივი და საუკეთესო მატყლის მქონე სულადობა ჰყავთ გეზალდარში, ზემო ალიმანში, თეზაკენტში და სხვა სოფლებში. ეს ჯიში გავრცელებულია აგრეთვე ლენინაკანის რაიონში.

აზერბაიჯანში მას ამრავლებენ ნახჩევანში. ბალბასი ტანადი ცხვარია როგორც სომხეთში გავრცელებულ ჯიშთა შორის, ისე კავკასიაში გავრცელებულ მქისემატყლიან ყველა ჯიშს შორის. ნერბების ცოცხალი წონა უდრის 53 - 66 კილოგრამს, ყოჩებისა 66 -82 კილოგრამს. ნერბებიც და ყოჩებიც დოლაა {ურქოა). ფერად მხოლოდ თეთრია. ყურებზე, ტუჩზე და კიდურების ბოლოებზე მუქი ნიშნები აქვს. იპარსება წელიწადში ერთხელ. კანძის წონა ნერბებში 1,6 კილოგრამია, ყოჩებში 2,3 კილოგრამი. საუკეთესო ყოჩები 3,5 კილოგრამს იპარსავენ. მატყლის სუფთა გამოსავალი 75 -799/3-ია. მერძეულობა, 6-თვიანი ლაქტაციისას, 48 - 60 კილოგრამი რძით შემოიფარგლება.

წყარო

მეცხვარეობა