მელქიორი

'''მელქიორი'''  – (ებრ. melech მეფე და -or შუქი, სინათლე), სპილენძის ერთფაზიანი შენადნობი ნიკელთან. ზოგჯერ უმატებენ რკინას, [[მანგანუმი|მანგანუმს]], [[თუთია]]ს ან [[ვერცხლი|ვერცხლს]]. გარეგნულად ჩამოჰგავს ვერცხლს, მაგრამ შედგენილობის მიხედვით აქვს სხვადასხვა შეფერილობა. თუ შედგენილობაში შედის ცოტაოდენი ვერცხლიც კი, მაშინ მელქიორი გარეგნულად ძნელი გასარჩევია სუფთა ვერცხლისაგან. მელქიორი ადვილი დასამუშავებელია. [[არქიტექტურა]]ში გამოიყენება სანაკეთო მასალად. მელქიორისაგან ამზადებენ სამედიცინო ხელსაწყოებს, საზღვაო [[ნავი (წყლის ტრანსპორტი)|ნავების]] მაღალხარისხოვან დეტალებს, თერმოგენერატორებს, რეზისტორებსა და სხვ. ტერმინი (ფრანგ. maillechort) დაკავშირებულია ფრანგი გამომგონებლების მაიოს (Maillot) და შორიეს (Chorier) სახელებთან.