მანძილმზომი

მიმდინარე ცვლილება 21:01, 25 ნოემბერი 2022 მდგომარეობით

მანძილმზომი – ადგილმდებარეობაზე უშუალო გაზომვების გარეშე ობიექტამდე მანძილის გასაზომი ხელსაწყო.

გამოიყენება საარტილერიო სროლების, ბომბდაშენის, ტოპოგრაფიული აგეგმვის დროს. აგრეთვე – ნავიგაციაში, ასტრონომიაში, ფოტოგრაფიასა და სხვა.

განარჩევენ შუქურ, რადიო, აკუსტიკურ, ოპტიკურ-მექანიკურ მანძილმზომებს.

• შუქური მანძილმზომების ყველაზე გავრცელებული სახეა ლაზერული (კვანტური) მანძილმზომები, რომელთა მოქმედება დაფუძნებულია გაშვებული და ობიექტიდან არეკლილი იმპულსის ინტერვალის ფიქსაციაზე. მათი გაზომვების დიაპაზონი 30 მ-დან 25 კმ-მდეა, სიზუსტე 5 მ, წონა 15-20 კგ (ბინოკლი) და 1,5-2 კგ (ბინოკლ-მანძილმზომი).
• რადიო-მანძილმზომებში გამოიყენება რადიოტალღები პასიური და აქტიური არეკვლით, იმპულსური და უწყვეტი გამოსხივებით.
• წყალში მანძილის გასაზომად გამოიყენება აკუსტიკური (ულტრაბგერითი) მანძილმზომები.
• ოპტიკურ-მექანიკური მანძილმზომებიდან ყველაზე ფართო გავრცელება პოვა ბინოკულარულმა (სტერეოსკოპურმა) და მონოკულარულმა მანძილმზომებმა, გაზომილი მანძილის შესაბამისად 0,01 და 0,1% გაზომვის სიზუსტით.

[რედაქტირება] წყარო

ქართული სამხედრო ენციკლოპედიური ლექსიკონი