დრაშეიოზი

15:34, 23 დეკემბერი 2022-ის ვერსია

დრაშეიოზი - (drascheiosis; აღმძვრელის გვარის დასახელება Drascheia + ბერძნ. osis დაავადება) – ცხენის, სახედრის, ჯორის, ჯორცხენას ჰელმინთოზი, რომლის აღმძვრელის – Drascheia megastoma-ს ზრდასრული ფორმები პარაზიტობენ კუჭის კედელში, მათი ლარვები – კანში. დრაშეიოზი გავრცელებულია ყველგან, განსაკუთრებით, სამხრეთის ქვეყნებში. კუჭის ფორმის დროს აღინიშნება გასტროენტერიტის ნიშნები, პროგრესირებადი სიგამხდრე, ზოგჯერ – ჭვლები. კანის ფორმის დროს, რომელიც წლის ცხელ პერიოდში ვითარდება, ზურგის, კისრისა და კიდურების მიდამოებში დაწყლულებული უბნები („ზაფხულის წყლულები“) ჩნდება.

წყარო

სავეტერინარო პარაზიტოლოგიის ტერმინთა ლექსიკონი