ჰისტრიქოზი

მიმდინარე ცვლილება 11:27, 31 მარტი 2023 მდგომარეობით

ჰისტრიქოზი – (hystrichosis; აღმძვრელის გვარის დასახელება Hystrichis + ბერძნ. osis დაავადება), იხვის ჰელმინთოზი. აღმძვრელი, ნემატოდა – Hystrichis tricolor პარაზიტობს ჯირკვლოვან კუჭში. ჰისტრიქოზი გავრცელებულია კერობრივად. განსაკუთრებით მძიმედ ავადობს მოზარდეული. უფროსი ასაკის ფრინველები პარაზიტმატარებლები არიან.

სიმპტომები: მადის უქონლობა, დაბეჩავება, ხილული ლორწოვანი გარსების ანემიურობა. ბუმბული ჭუჭყიანი და აბურძგნულია. ვითარდება ფაღარათი, დარღვეულია მოძრაობის კოორდინაცია. ფრინველი ჩამორჩება ზრდა-განვითარებაში, გამხდარია, უეცრად კვდება.

[რედაქტირება] წყარო

სავეტერინარო პარაზიტოლოგიის ტერმინთა ლექსიკონი