ნიღბები

მიმდინარე ცვლილება 15:00, 28 აპრილი 2023 მდგომარეობით

ნიღბები − სამეფო კარის გასართობი წარმოდგენები XVI-XVII საუკუნის ინგლისში, რომლებიც იმართებოდა საზეიმო ლხინის დროს (უმეტესად ქორწილში). ნიღბების საფუძველს წარმოადგენდა ცეკვა და სამასკარადოდ გამოწყობილთა მსვლელობა მუსიკის თანხლებით, რასაც ენაცვლებოდა მომღერლებისა და ამხსნელი ტექსტის მკითხველი პოეტის გამოსვლები, ნიღბებში მონაწილეობდნენ, როგორც მოყვარულები, ისე პროფესიონალი მსახიობები. ნიღბების სიუჟეტები ჩვეულებრივ მითოლოგიური ან პასტორალურ–ალეგორიული ხასიათისა იყო. და საერთოდ კი უმთავრესი ყურადღება ექცეოდა სანახაობით მხარეს. ნიღბების სადადგმო პრინციპები შემდგომში გამოიყენეს ინგლისის საოპერო–საბალეტო სპექტაკლებსა და პანტომიმებში. მუსიკალური ფორმის მხრივ XVIII საუკუნის შუა წლებში ნიღბებმა ნიადაგი მოუმზადა ინგლისური ოპერის ჩასახვას, თავისი საწყისებით ნიღბები დაკავშირებულია ფეოდალურ–რაინდულ დღესასწაულ „კერძთაშორის“–თან.

[რედაქტირება] წყარო

ხელოვნების განმარტებითი ლექსიკონი