აიმი ვიქტორ

13:53, 29 მაისი 2023-ის ვერსია

ვიქტორ აიმი

ვიქტორ აიმი - (ფრ. HAIM VICTOR). თურქულ-ბერძნული წარმოშობის ფრანგულენოვანი დრამატურგი, სცენარისტი, მსახიობი და რეჟისორი.

ვიქტორ აიმი დაიბადა 1935 წელს. პირველად იგი სცენაზე ჩნდება 1967 წელს პიესით „ცივი იარაღი“, რომელიც ექსპრესიული ფორმით, პოეტური სიმბოლიკისადმი მიდრეკილი ხელწერით მიუძღვნა ვიეტნამის ომს. ომიდან დაბრუნებული ნახევრად გაგიჟებული ამერიკელი ჯარისკაცის მონოლოგებში ამაღელვებლად გაისმა ამერიკული აგრესიის გაკიცხვა, ომის წინააღმდეგ ბრძოლის მოწოდება. აქტუალური პრობლემებისა და პოეტური თეატრისადმი ერთგულება ვიქტორ აიმს შენარჩუნებული აქვს სხვა ნაწარმოებებშიც: „ნაყოფის ქერქი დამპალ ხეზე“ (1971) და „მომართეთ თქვენი ვიოლინოები“ (1981).

2003 წელს, აიმი დაჯილდოვდა საფრანგეთის პრემიით "მოლიერი", კატეგორიაში "საუკეთესო ავტორი" და ფრანგული თეატრის აკადემიის გრან-პრით.

წყარო

• XX საუკუნის ფრანგი დრამატურგები და თეატრის თეორეტიკოსები: [ცნობარი / შეადგინა ლევან ხეთაგურმა]. - თბ., 1998. - 111გვ.; 21სმ