ვარეზი ედგარ

12:48, 19 მაისი 2017-ის ვერსია

200პაწარწერის ტექსტი

ვარეზი ედგარ - (ფრ. Edgard Varèse, 22. XII. 1885, პარიზი, – 7. XI. 1965, ნიუ-იორკი), ამერიკელი კომპოზიტორი, დირიჟორი. ეროვნებით ფრანგი.

სწავლობდა ა. რუსელთან, ვ. დ’ენდისთან და შ. ვიდორთან. დირიჟორობდა გუნდებსა და ორკესტრებს ბერლინში, პრაღაში, ნიუ-იორკში (1908-19). 1915-იდან ცხოვრობდა ნიუ-იორკში, იყო კომპოზიტორების პანამერიკული ასოციაციის ერთ-ერთი დამაარსებელი. ეძებდა ახალ მუსიკალურ ხმოვანებებს, ცდილობდა საკრავთა აკუსტიკური შესაძლებლობების გაფართოებას. მის ნაწარმოებთა შორის აღსანიშნავია პიესა „ჰი პერირიზმა“ სასულე და დასარტყამი საკრავებისათვის (1923), „ინტეგრალები“ კამერული ორკესტრისა და დასარტყამებისათვის (1925), „იონიზაცია“ 13 დასარტყამი საკრავისათვის (1931), „ეკვატორიალი“ ორგანის, დასარტყამების, საყვირების, ტრომბონების, 2 მარტენოს ტალღებისა და ბანისათვის (1934). ავტორია ნაშრომებისა ელექტრონული მუსიკის შესახებ და მუს. კრიტიკულ წერილებისა.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")