ბატისტინი მატია

15:57, 19 მაისი 2017-ის ვერსია

ბატისტინი მატია - (Battistini) (27. II. 1856, რომი, – 7. XI. 1928, კონტილიანო (რიეტი)), იტალიელი მომღერალი (ბარიტონი). ბელკანტოს ერთ-ერთი უდიდესი ოსტატი.

სიმღერას სწავლობდა ე. ტერციანისა და ვ. პერსიკინის ხელმძღვანელობით. 1878 რომში შედგა ბატისტინის დებიუტი დონიცეტის ოპერაში „ფავორიტი ქალი“ (ალფონსი), მღეროდა იტალიის სხვადასხვა თეატრებში, რუსეთში, ინგლისში, საფრანგეთში, გერმანიაში, ავსტრიაში, არგენტინაში, ბრაზილიაში და სხვ.

მნიშვნელოვანი პარტიებია:

• დონ ჯოვანი (მოცარტის „დონ ჯოვანი“),
• ესკამილიო (ბიზეს „კარმენი“), რიგოლეტო, იაგო (ვერდის „რიგოლეტო“ და „ოტელო“),
• ონეგინი (ჩაიკოვსკის „ევგენი ონეგინი“), დემონი (რუბინშტეინის „დემონი“),
• რუსლანი (გლინკას „რუსლან და ლიუდმილა“) და სხვ.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")