მირბახი ვილჰელმ

20:51, 10 აპრილი 2024-ის ვერსია

ვილჰელმ მირბახი – (1871-1918). გრაფი, გერმანელი დიპლომატი, დიპლომატიური სამსახური დაიწყო 1911, 1915-17 – გერმანიის დესპანი საბერძნეთში.1917-18. გერმანული ჯარების მიერ რუმინეთის ოკუპაციის პერიოდში – გერმანიის საგარეო საქმეთა მინისტრის წარმომადგენელი ბუქარესტში. მონაწილეობდა ბრესტ-ლიტოვსკის (ბრესტის) საზავო ხელშეკრულების 1918 ხელმოწერაში; 1918 წლის აპრილ-ივლისში – რუსეთში გერმანიის მთავრობის ოფიციალური წარმომადგენელი დესპანის რანგის. 6.VII.1918 მოკლეს მოსკოვში მემარცხენე ესერებმა, რაც მემარცხენე ესერული ამბოხების დაწყების საბაბი გახდა.

წყარო

ქართული დიპლომატიური ლექსიკონი