კონსტანტინე I (ლიხთ-იმერეთის მეფე)

NPLG Wiki Dictionaries გვერდიდან
(სხვაობა ვერსიებს შორის)
გადასვლა: ნავიგაცია, ძიება
(ახალი გვერდი: '''კონსტანტინე I''' – ლიხთ-იმერეთის მეფე 1293-1327. დავით ნარინის გა...)

01:38, 22 ივნისი 2024-ის ვერსია

კონსტანტინე I – ლიხთ-იმერეთის მეფე 1293-1327.

დავით ნარინის გარდაცვალების შემდეგ ლიხთ-იმერეთში ტახტს „პირმშოების ძალით“ ეუფლება კონსტანტინე. მეფის მთელი ხელმწიფური ნება და ენერგია შინადინასტიურ ბრძოლას შეეწირა. წყაროთა მოწმობით, მას გამეფებისთანავე აუმხედრდა საკუთარი ძმა მიქელი, რომელმაც შეძლო რაჭა-ლეჩხუმის და არგვეთის დაპყრობა. „დღეთა მათთა იშლებოდა სამეფო“. ასეთ ვითარებაში ხელსაყრელი პირობები შემუშავდა დასავლეთ საქართველოს დაქუცმაცებისა და შედეგმაც არ დააყოვნა: დაიმკვიდრა დადიანმა „სრულად ოდიში ანაკოფიამდე. ეგრეთვე შერვაშიძემ აფხაზეთი და გურიელმა გურია და სვანთა ერისთავმან სუანეთი”.

ცალკე აღსანიშნავია კონსტანტინე დავითის ძის ღვაწლი იერუსალიმის ჯვრის „გაცხოველება-განახლების” საქმეში. მისი ინიციატივით და საფასით ჩატარებულა აქ სარესტავრაციო სამუშაოები, რის აღსანიშნავადაც განუწესებიათ „აღაპი და პანაშვიდი აფხაზთა მეფეთა მეფისა კონსტანტინესი, ჯვრისა მონასტრისა ახლად შემკაზმავისა“.

მეფე კონსტანტინე 1327 წელს გარდაიცვალა.

წყარო

მოძიებულია „https://www.nplg.gov.ge/wikidict/index.php?title=%E1%83%99%E1%83%9D%E1%83%9C%E1%83%A1%E1%83%A2%E1%83%90%E1%83%9C%E1%83%A2%E1%83%98%E1%83%9C%E1%83%94_I_(%E1%83%9A%E1%83%98%E1%83%AE%E1%83%97-%E1%83%98%E1%83%9B%E1%83%94%E1%83%A0%E1%83%94%E1%83%97%E1%83%98%E1%83%A1_%E1%83%9B%E1%83%94%E1%83%A4%E1%83%94)&oldid=230152“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები