კუპრაძე ვიქტორ

მიმდინარე ცვლილება 16:08, 2 ივლისი 2024 მდგომარეობით

კუპრაძე ვიქტორ (1903 – 1985) − ქართველი მათემატიკოსი და მექანიკოსი ვ. კუპრაძის ნაშრომებში გამოკვლეულია დრეკადობისა და თერმოდრეკადობის, სტაციონარული რხევების, სტატიკისა და დინამიკის ძირითადი და საკონტაქტო სასაზღვრო ამოცანები. კუპრაძემ გადაწყვიტა ამ ამოცანათა კლასიკური ამოხსნების არსებობისა და ერთადერთობის საკითხები. შექმნა ამოხსნების მიახლოებითი აგების მეთოდები და ელექტრონულ-გამომთვლელ მანქანებზე მათი რიცხვითი რეალიზაციის ალგორითმები. გამოიკვლია აგრეთვე დრეკადი, სეისმური; ელექტრომაგნიტური და სხვა ტალღების გავრცელებისა და დიფრაქციის საკითხები, შეისწავლა სინგულარულ-ინტეგრალურ და ფუნქციონალურ განტოლებათა თეორიის საკითხები.

ვ. კუპრაძის თემატიკა გააღრმავეს და განაზოგადეს მისმა მოწაფეებმა თ. ბურჭულაძემ (1929 – 2000), თ. გეგელიამ (1928 – 1994), მ. ბაშელეიშვილმა, ნ. კახნიაშვილმა (1926 – 1988) და ბევრმა სხვამ.

[რედაქტირება] წყარო

მათემატიკის ენციკლოპედიური ლექსიკონი