კორჟინსკი სერგი

16:11, 6 თებერვალი 2025-ის ვერსია

სერგი კორჟინსკი – (Серге́й Ива́нович Коржи́нский, 1861-1900 წ.წ.) რუსი ბოტანიკოსი და გენეტიკოსი, ფიტოცენოლოგიის ერთ-ერთი ფუძემდებელი.

ზოგიერთ მის შრომას დიდი მნიშვნელობა აქვს გეოგრაფიული მეცნიერებისათვის, კერძოდ ფიტოგეოგრაფიისათვის. თავის სადოქტორო დისერტაციაში „შავმიწა-სტეპიანი ზოლის ჩრდილო საზღვარი რუსეთის ევროპულ ნაწილში“ (1888 წ.) მან პირველად გამოთქვა თავისი შეხედულება - ტყეების სტეპებში შეჭრის შესახებ; გარდა ამისა, მას ეკუთვნის მეტად მნიშვნელოვანი ნაშრომი: „რუსეთის ევროპული ნაწილის აღმოსავლეთი მხარის ფლორა“ (1893-1898 წ.წ.).

ს. ი. კორჟინსკი ენერგიულ მონაწილეობას იღებდა მრავალ ექსპედიციაში. ასე, მაგალითად, მან მეცნიერული მიზნით ინახულა ყაზახეთის აღმოსავლეთი ნაწილი (სემიპალატინსკის და სემირეჩიეს ოლქები), ამურის აუზი და შუა აზია (თურქმენეთი, ტაჯიკეთისა და უზბეკეთის ზოგიერთი რაიონი, პამირი და სხვ.). კორჟინსკის ეკუთვნის მრავალი შრომა კულტურული მცენარეულობის წარმოშობის შესახებ. თავის ნაშრომში: „ჰეტეროგენეზისი და ევოლუცია“, „სახეთა წარმოშობის თეორიისათვის“ მან გამოთქვა დე-ფრიზის მუტაციური თეორიის მსგავსი იდეები.

წყარო

გამოჩენილი გეოგრაფები და მოგზაურები