აკვავიტი
(→წყარო) |
|||
| ხაზი 5: | ხაზი 5: | ||
| + | ==იხილე აგრეთვე== | ||
| + | [[ალკოჰოლის ჭარბი მოხმარება]] | ||
==წყარო== | ==წყარო== | ||
[[მსოფლიოს ხალხთა სასმელები]] | [[მსოფლიოს ხალხთა სასმელები]] | ||
[[კატეგორია:ალკოჰოლური სასმელები]] | [[კატეგორია:ალკოჰოლური სასმელები]] | ||
13:54, 10 მარტი 2025-ის ვერსია
აკვავიტი – Akvavit, ალკოჰოლური სასმელი, რომელიც მიიღება კარტოფილის ან ხორბლის გამოხდის გზით.
სასმელი ღია ან ოქროსფერი შეფერილობისაა, რომელიც ევროპაში გაჩნდა XIII – XVI საუკუნეში, სადაც მას „სიცოცხლის წყალს“ (ლათინური სიტყვა Aqua vitae-დან) უწოდებდნენ. აკვავიტის გამოხდა მიმდინარეობს კამასთან, ილთან, მიხაკთან, დარიჩინთან, ლიმონის ცედრასთან, ანისულასთან და იმ სხვა კომპონენტებთან ერთად, რომელიც მწარმოებელი ფირმის საიდუმლოებაა. შემდეგ დისტილატს უმატებენ ნეიტრალურ სპირტს, დარბილებულ წყალს და რეზერვუარებში ისხმება დასავარგებლად. შვედურ აკვავიტში სპირტის შემცველობა 40-42 მოც %-ია, გერმანულში 38-40 მოც. %. აკვავიტს მიირთმევენ ცივად. ტრადიციულად აკვავიტი მზადდებოდა კარტოფილისაგან. მას აწარმოებენ დანიაში, ნორვეგიაში, შვედეთში და სხვ. დანია აკვავიტის ძირითადი მწარმოებელია, სადაც მისგან ამზადებენ ბითერს. აკვავიტზე მომზადებული ბითერის ერთ-ერთი მარკაა Gammel Dansk Bitter Dram, რომლის დავარგება ხდება ოცდაათამდე სანელებელსა და ხილზე. ეს არის აკვავიტის ერთ-ერთი სახეობა, რომელსაც მიირთმევენ არა ცივს, არამედ ოთახის ტემპერატურაზე გამთბარს. დღესდღეობით აკვავიტის ძირითადი მწარმოებელია დანიური ფირმა Danisco Distillers, რომელიც აწარმოებს დანიასა და მსოფლიოში პოპულარულ აკვავიტს – Aalborg Jubileums Akvavit. აკვავიტის სხვა ცნობილი მარკებია: Harald Jen-sen, Brondums Snaps (დანია), Loitens Linie (ნორვეგია), O.P. Anderson, Skane (შვედეთი), Bommerlunder (გერმანია) და სხვ.
