კორსანტია ალექსანდრე

22:52, 27 აპრილი 2025-ის ვერსია

ალექსანდრე კორსანტია – (18. IV. 1965, თბილისი), ქართველი პიანისტი, მუსიკოს – შემსრულებელთა ავსტრალიის (1988), პალმ-ბიჩის (აშშ, 1994), თელ-ავივის არტურ რუბინშტეინის სახელობის (1995) საერთაშორისო კონკურსების I პრემიის ლაურეატი.

1989 დაამთავრა თბილისის კონსერვატორია ფორტეპიანოს განხრით (ხელმძღვანელი პროფ. თ. ამირეჯიბი, მასთანვე გაიარა ასპირანტურის კურსი). 1993-იდან ცხოვრობს და მოღვაწეობს აშშ-ში, საუთ-ბენდში (ინდიანის შტატი). ეწეოდა პედაგოგიურ მოღვაწეობას ადგილობრივ უნივერსიტეტში (პროფესორი). შემდეგ ბოსტონის კონსერვატორიის პროფესორი. კონცერტებს მართავს ამერიკასა და ევროპის ქვეყნებში. კორსანტია თანამედროვე პიანისტური ხელოვნების თვალსაჩინო წარმომადგენელია. პერიოდულად ატარებს „მასტერ-კლასებს“ (საჩვენებელ გაკვეთილებს) იერუსალიმის მუსიკალურ აკადემიაში. გასტროლებს მართავს თბილისში. ჩაწერილი აქვს კომპაქტ-დისკები. მისი შესრულება გამოირჩევა მასშტაბურობით, არტისტიზმით, რეპერტუარის მრავალფეროვნებით.

წყარო

მუსიკის ენციკლოპედიური ლექსიკონი