ოთარ ღუდუშაურის ქუჩა

12:01, 20 ნოემბერი 2025-ის ვერსია

ოთარ ღუდუშაურის ქუჩა – ქუჩა თბილისში, გლდანი-ნაძალადევის რაიონი (ნაძლადევი); გურამ ასათიანის I შესახვევიდან რევაზ ინანიშვილის ქუჩამდე. ქუჩა წარმოიქმნა XX საუკუნის დასაწყისში. თავდაპირველად ძმობის ქუჩა ერქვა. სახელი დაერქვა სხვადასხვა ეროვნების მუშათა ერთობის აღსანიშნავად, 1938 ეწოდა ვ. გრიზოდუბოვას, 1993 წელს – ო. ღუდუშაურის სახელი. თბილისის 1934 წლის გეგმაზე ქუჩის მონაკვეთი, მიხეილ მესხის II შესახვევიდან გურამ ასათიანის I შესახვევამდე, დატანილია როგორც მორის შესახვევი.

წყარო

ენციკლოპედია: თბილისი ქუჩები, გამზირები, მოედნები