არნაუთი

13:45, 12 ივლისი 2017-ის ვერსია

არნაუთ-ი (ნოღ. Арнаут) – დემონური პერსონაჟი, ალბასლის მამრული იპოსტასი ნოღაურ მითოლოგიაში. წარმოდგენილია ფოლადის ცხვირითა და ქვის ტერფებით, მანათობელი თვალებით, იძინებს თვალღია. ვიდრე ადამიანს დაესხმებოდეს, არნაუთი თავის ფოლადის ცხვირს ქვის ტერფზე ილესავს. გმირი მასზე მოხერხებით იმარჯვებს, ცხვირს მახვილით ჭრის, რის შემდეგაც არნაუთი ბღავილით გარბის. ნოღაურ მითოლოგიაში არნაუთის ანალოგს ცულისმკერდიანი აღაშ ქისი წარმოადგენს.

ლიტერატურა

• Капаев И. Ногайские мифы, легенды и поверья. Опыт мифологического словаря. М., 2012.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017