ახვლედიანი იასონ

მიმდინარე ცვლილება 16:16, 22 ივნისი 2026 მდგომარეობით

'იასონ ახლედიანი

ახვლედიანი იასონ ალექსანდრეს ძე - (7.IV.1852 - 19.I.1940), ქართველი სამხედრო მოღვაწე, რუსეთის საიმპერატორო არმიის გენერალ-მაიორი და ქართული არმიის გენერალი. 1877-1878 წლების რუსეთ-ოსმალეთის და 1904-1905 წლების რუსეთ-იაპონიის ომების მონაწილე. წმ. გიორგის ორდენის კავალერი.

დაიბადა ქუთაისის გუბერნიის დაბა ვანში, აზნაურის ოჯახში.

• დაამთავრა თბილისის იუნკერთა სასწავლებელი.
• რუსეთ-თურქეთის 1877-1878 წლების ომის მონაწილე.
• 1900 გროზნოს სარეზერვო ბატალიონის უფროსი.
• რუსეთ-იაპონიის 1904-1905 წლების ომის მონაწილე.
• ბატალიონის მეთაური.
• მანჯურიაში მიმდინარე ბრძოლების მონაწილე.
• 1906-1911 წლებში პოლკის მეთაური, აბასთუმნის ჰოსპიტლის უფროსი, აბასთუმნის სამხედრო კომენდანტი.
• 1912 წლიდან თადარიგში გავიდა.

დაჯილდოებული იყო ორდენებით: წმ. გიორგის მე-4 ხარისხის, წმ. ანას მე-4 ხარისხის, მე-3 ხარისხის, მე-2 ხარისხის, 1-ლი ხარისხის, წმ. სტანისლავის მე-3 და მე-2, წმ. ვლადიმირის მე-4 და მე-3 ხარისხის.

1918 წლიდან მსახურობდა ქართულ ჯარში. იყო ვეტერანთა სახლის უფროსი. 1921 საბჭოთა ოკუპაციის შემდეგ ემიგრაციაში არ წავიდა. ცხოვრობდა თბილისში. გარდაიცვალა იქვე. დაკრძალულია კუკიის სასაფლაოზე. მისი საფლავი დაკარგულად ითვლება.

[რედაქტირება] იხილეთ აგრეთვე

• იასონ ახვლედიანი
• იასონ ახვლედიანი

[რედაქტირება] წყარო

• საქართველოს დემოკრატიული რესპუბლიკა (1918-1921) ენციკლოპედია-ლექსიკონი
• დამოუკიდებელი საქართველოს გენერლები და ადმირალები