ენესკუ ჯორჯე

11:03, 7 აგვისტო 2017-ის ვერსია

ჯორჯე ენესკუ

ენესკუ ჯორჯე - (რუმ. George Enescu 19. VIII. 1881, ლივენია, ჩრდ. მოლდოვა, ამჟამინდელი ჯორჯე ენესკუ, – 4. V. 1955, პარიზი), რუმინელი კომპოზიტორი, მევიოლინე, დირიჟორი, პიანისტი, პედაგოგი და საზოგადო მოღვაწე, რუმინეთის აკადემიის აკადემიკოსი (1932), რუმინული ეროვნული მუსიკალური სკოლის ფუძემდებელი.

განათლება მიიღო ვენისა და პარიზის კონსერვატორიაში. 1907-იდან ეწევა საკონცერტო მოღვაწეობას, უმთავრესად, როგორც მევიოლინე, აგრეთვე დირიჟორი და პიანისტი. ენესკუ ერთ-ერთ პირველი რუმინელი კომპოზიტორია, რომელმაც მსოფლიო აღიარება მოიპოვა. მის შემოქმედებაში შერწყმულია ეროვნულ-ხალხური სტილისტიკა და მუსიკის რომანტიზმისა და იმპრესიონიზმის ტრადიციები. ძირითადი ნაწარმოებია: ოპერა „ოიდიპოსი“ (1932), 3 სიმფონია (1905-1919), 3 სიუიტა, 2 „რუმინული რაფსოდია“, კამერულ-ინსტრუმენტული ნაწარმოები. გამოდიოდა მსოფლიოს გამოჩენილ მუსიკოსებთან (ბ. ბარტოკი, ე. იზაი, პ. კასალსი, ა. კორტო) ანსამბლში. მისი მოწაფე იყო ი. მენუჰინი.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")