ტკაცუნა

14:48, 5 ოქტომბერი 2017-ის ვერსია

ტკაცუნა

ტკაცუნა – (Androsace villosa L.); ოჯახი: ფურისულისებრნი (Primulacaceae). მცენარე კორდულებს ქმნის, ლეგა მწვანეა, ხშირი ბეწვით მოფენილი. ფოთლები როზეტებადაა შეკრებილი, 6-7 მმ სიგრძის, ლანცეტა ან ხაზურ-ლანცეტა, კიდემთლიანი და სქლად შებუსული, რომელიც ფოთლის წვერზე ფუნჯს ქმნის. საყვავილე ღერძი ერთია, ქოლგები 2-6-ყვავილიანია. გვირგვინი თეთრია ან მოვარდისფრო. ყვ. ნაყ. V-VII. კახეთში საკმაოდ იშვიათია, გვხვდება ქვიან ადგილებში, ზედა და სუბალპურ სარტყლებში. შეხვდებით ლაგოდეხის ნაკრძალის ტერიტორიაზე. საქართველოში გავრცელებულია სპორადულად.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.