წითელი კუნელი

13:38, 6 ოქტომბერი 2017-ის ვერსია

წითელი კუნელი

წითელი კუნელი – (Crataegus kyrtostyla [Fingerh.] M. Roem.); ოჯახი: ვარდისებრნი (Rosaceae). 5 მ-მდე სიმაღლის პატარა ხე ან ბუჩქია, მომურო-ნაცრისფერი ტოტებით. შიშველი და ნორჩობაში ოდნავ შებუსული, მცირერიცხოვანი ეკლებით. ფოთლის ყუნწები შიშველია ან ოდნავ შებუსული. ფოთოლი ღია მწვანე ფერისაა. მსხმოიარე ტოტების ფოთლები სხვადასხვანაირია, ძირითადად, უკუკვერცხისებური და რომბის ფორმის. 5-ნაკვთიანი. იშვიათად – 3 ან 7-ნაკვთიანი. უნაყოფო ყლორტების ფოთლები უფრო დიდია. ყვავილედი ფარია, დატოტვილი. გვირგვინი თეთრია, ნაყოფი – წითელი. ყვ. VI; ნაყ. IX. კახეთის რეგიონში ფართოდ გავრცელებული მცენარეა. იზრდება ტყეებში, ბუჩქნარებს შორის, ზოგჯერ რაყას ქმნის. მისი ნახვა შესაძლებელია ბაბანეურის ნაკრძალში. საქართველოში თითქმის ყველგან არის გავრცელებული.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.