ასკილი (Rosa pimpinellifolia Bunge)

12:42, 16 ოქტომბერი 2017-ის ვერსია

ასკილი – (Rosa pimpinellifolia Bunge = Rosa xanthina Lindl.); ოჯახი: ვარდისებრნი (Rosaceae). 1.5-2 მ სიმაღლის ძლიერ დატოტვილი ბუჩქია. ტოტები სწორად მდგომია. ეკლები ორგვარია – დიდი ზომის და ნემსისებური; ფოთლები, ჩვეულებრივ, 7-11-ფოთოლაკიანია, ელიფსური, ხერხკბილა. ყვავილები მარტოულია ან ფარის ფორმის ყვავილედებში შეკრებილი; გვირგვინის ფურცლები თეთრია ან ძალიან ღია ყვითელი. ყვ. V-VI; ნაყ. VII-IX. იზრდება დაბლობიდან მთის ზედა სარტყლამდე, ქვიან ფერდობებზე, ტყისპირებში. კახეთში მისი ნახვა შესაძლებელია სოფელ ჩალაუბნისა და გარეჯის მიდამოებში. გავრცელებულია თითქმის მთელ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.