გრაკლა

17:01, 19 ოქტომბერი 2017-ის ვერსია

გრაკლა – (Spiraea hypericifolia L.); ოჯახი: ვარდისებრნი (Rosaceae). 1.5 მ სიმაღლის ბუჩქია. ფოთლები შიშველია ან ნორჩობაში მოკლე ბეწვით მოფენილი, მოხაზულობით უკუკვერცხისებური, მოგრძო-ელიფსური ან ლანცეტა, კიდემთლიანი. ყვავილედი 4-10-ყვავილიანია; ყვავილები განლაგებულია შიშველი ან ოდნავ შებუსული ყვავილის ყუნწებზე, ყვ. ნაყ. V-VI. იზრდება ველისა და ტყე-ველის სარტყლიდან სუბალპურ სარტყლამდე ბუჩქნართა რაყამი, კახეთში მისი ნახვა შესაძლებელია გარეჯის მიდამოებში, სტორის ხეობაში. გავრცელებულია მხოლოდ აღმოსავლეთ და სამხრეთ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.