ზიიყუნი

15:11, 25 ოქტომბერი 2017-ის ვერსია

ზიჲყუნ-ი || სიჲყუნ-ი (ბალყ.-ყარაჩ. Зийкъун/Сыйкъун) – მეცხენეობის მფარველი, ტბათა წყლების მფარველი ქემისხანის ვაჟი, მაქურუჩუ გიბი ყათინის – ოჯახის ბარაქისა და საქონლის ნაყოფიერების მფარველის – ქმარი, აიმუშის, სიქუნის, სიიმუშისა და სიინუხის ძმა ბალყარულ-ყარაჩულ მითოლოგიაში. ჰყავს განუყრელი ძაღლი, რომელიც ძაღლთა ბატონის როლში გვევლინება და ზოგჯერ ადამიანის სახეს იღებს. ბალყარელები და ყარაჩები დაუდგრომელ ადამიანზე იტყოდნენ: „სად დახეტიალობ ზიიყუნის ძაღლივით“ (Зийкъунну итича къайда айланаса). ზიიყუნს სწირავდნენ ციკანს, რომლის ბეჭს ბაირიმ-თიუზის ველზე მდებარე მოგულ-დარიღინის სალოცავში ტოვებდნენ.

ლიტერატურა

Каракетов М. Д. Миф и функционирование религиозного культа в заговорно-заклинательном ритуале карачаевцев и балкарцев. М., 1999; Каракетов Д. М. Традиционные верования // Карачаевцы. Балкарцы. М., 2014.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი2017