გაერთიანებული ერების ორგანიზაციის კონფერენციები საზღვაო სამართლის საკითხებზე
(ახალი გვერდი: '''გაერთიანებული ერების ორგანიზაციის კონფერენციები საზღვა...) |
14:51, 8 ნოემბერი 2017-ის ვერსია
გაერთიანებული ერების ორგანიზაციის კონფერენციები საზღვაო სამართლის საკითხებზე - შეიმუშავეს მსოფლიო ოკეანის ერთიანი საერთაშორისო სამართლებრივი რეჟიმი:
პირველი კონფერენცია მიმდინარეობდა 1958 წლის 24 თებერვალიდან – 27 აპრილამდე, მონაწილეობდა 79 სახელმწიფო, მიიღეს 3 კონვენცია (ტერიტორიული ზღვის და მიმდებარე ზონის შესახებ, ღია ზღვის შესახებ, კონტინენტური შელფის შესახებ) და ფაკულტატიური ოქმი ამ კონვენციების განმარტება-გამოყენების საკითხებზე დავების მოწესრიგების შესახებ.
მეორე კონფერენცია – 1960 წლის 16 მარტიდან – 26 აპრილამდე, მონაწილეობდა 84 სახელმწიფო, განიხილავდა საკითხებს ტერიტორიული წყლებისა და თევზჭერის ზონის სიგანის შესახებ. კონფერენცია უშედეგოდ დამთავრდა მონაწილეებს შორის წამოჭრილი უთანხმოების გამო.
მესამე კონფერენცია – 1973 წლის დეკემბერში, 1982 წლის სექტემბერში მონაწილეობდა 164 სახელმწიფო, განიხილა საზღვაო სამართლის 82 აქტუალური საკითხი და მიიღო გაეროს 1982 წლის საზღვაო სამართლის კონვენცია, რომელსაც ხელი მოაწერა 117 სახელმწიფომ.
წყარო
ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017.
