არმია

14:53, 18 იანვარი 2018-ის ვერსია

საქართველოს ჯარი აღლუმზე

არმია (ფრანგული armee და ლათინური – armo – ვაიარაღებ)

1. სახელმწიფოს შეიარაღებული ძალების ერთობლიობა; შეიარაღებული ძალების ნაწილი (სამხედრო-საზღვაო ძალების გარდა); მხოლოდ სახმელეთო ჯარები; ოპერატიული გაერთიანება; მებრძოლი სოციალური ჯგუფების შეიარაღებული ორგანიზაცია.

2. ოპერატიული ამოცანების გადასაწყვეტად განკუთვნილი გაერთიანება, რომელიც შედგება რამდენიმე შენაერთის და სხვადასხვა გვარეობის ჯარებისგან, სპეციალური ჯარების, ზურგის ცალკეული შენაერთებისა და ნაწილებისაგან. შეიარაღებული ძალების სახეობისადმი კუთვნილების, საბრძოლო შემადგენლობისა და დანიშნულების მიხედვით განასხვავებენ: საერთო-საჯარისო (საველე), სატანკო, სარაკეტო, საჰაერო თავდაცვის, სამხედრო-საჰაერო ძალებისა და სხვა არმიებს.

ცნობილია აგრეთვე დამრტყმელი, მექანიზებული, საჰაერო-სადესანტო, ცხენოსანთა, მესანგრეთა, სარეზერვო, სასურსათო და სხვა არმიები.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი 2017