სან-მარტინი ხოსე

14:45, 14 მარტი 2018-ის ვერსია

სან-მარტინი ხოსე (San-Martin) (1778–1850) – ესპანეთის ამერიკული კოლონიების განმათავისუფლებელი ომის (1810–26) ერთ-ერთი ხელმძღვანელი. არგენტინის ეროვნული გმირი.

სამხედრო განათლება მიიღო ესპანეთში, სადაც შემდეგ მონაწილეობდა ნაპოლეონ I -ის ჯარებთან ბრძოლაში. 1812 წელს დაბრუნდა სამშობლოში, იბრძოდა არგენტინის გასათავისუფლებლად ესპანელთა ბატონობისაგან, ანდების არმიის მთავარსარდალი.

1816–18 წლებში ესპანელები განდევნა ჩილედან. 1820–22 წლებში სან-მარტინმა ილაშქრა პერუში და გაათავისუფლა ესპანელთა ჯარებისაგან.

1821–22 წლებში სათავეში ედგა პერუს პირველ მთავრობას.

წყარო

ქართული სამხედრო ენციკლოპედიური ლექსიკონი