ნიკოლეიშვილი ლევან

მიმდინარე ცვლილება 11:58, 12 ივნისი 2018 მდგომარეობით

ლევან ნიკოლეიშვილი

ნიკოლეიშვილი ლევან თამაზის ძე (დ. 1967), გენერალური შტაბის უფროსი (2005-06), პოლკოვნიკი.

დაამთავრა ივ. ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი (1984-92), გერმანიის ბუნდესვერის სავერიფიკაციო და ენობრივი კურსები (1995), დიდი ბრიტანეთის სამხედრო ენობრივი ინსტიტუტი (1997), აშშ-ის არმიის სამეთაურო და გენერალური შტაბის კოლეჯი (2001), დაამთავრა ნატოს თავდაცვის კოლეჯი (2003). მუშაობდა საქართველოს თავდაცვის სამინისტროში ხელმძღვანელ თანამდებობებზე (1992-97), ეროვნული უშიშროების საბჭოს აპარატის თავდაცვის საკითხთა სამსახურის რეფერენტი (1997-98), გენერალური შტაბის სავერიფიკაციო ცენტრის უფროსი (1998-2000), გენერალური შტაბის მთავარი ოპერატიული სამმართველოს უფროსი (2001-02), ეროვნული უშიშროების საბჭოს აპარატის თავდაცვისა და სამხედრო აღმშენებლობის დეპარტამენტის დირექტორი (2003-04), სახელმწიფო უშიშროების მინისტრის მოადგილე და გენერალური შტაბის უფროსის მოადგილე (2004). მიღებული აქვს სახელწიფო ჯილდოები.

[რედაქტირება] წყარო

ქართული სამხედრო ენციკლოპედიური ლექსიკონი