როსტომაშვილი ივანე

11:12, 18 თებერვალი 2019-ის ვერსია

როსტომაშვილი ივანე - ქართველი პოლიტიკოსი და საზოგადო მოღვაწე, ყოფილი ანარქისტი, შემდეგ სოციალ-დემოკრატი.

იმყოფებოდა ციმბირის ციხეში, რევოლუციის შემდეგ კი საქართველოში დაბრუნდა.შორეულ აღმოსავლეთსა და იაპონიაში საქართველოს დემოკრატიული რესპუბლიკის დროებითი რწმუნებული იყო. 1920 წლის დეკემბერში იგი ტრაპიზონში ანგორის მისიაში გასამგზავრებლად წასული საქართველოს დემოკრატიული რესპუბლიკის დიპლომატიურ წარმომადგენლებთან ერთად იმყოფებოდა, მომარაგების სამინისტროს დავალებით და კონსტანტინოპოლში მიემგზავრებოდა. ტრაპიზონში ინახულა სოლომონ მეორის საფლავი და ამასთან დაკავშირებით უთქვამს: „სოლომონი პირველ რევოლუციონერად ითვლებაო“.

ლელა სარალიძე

ლიტერატურა

გ. შარაძე, ქართული ემიგრანტული ჟურნალისტიკის ისტორია, ტ. IV, თბ., 2003.

წყარო

საქართველოს დემოკრატიული რესპუბლიკა (1918-1921) ენციკლოპედია-ლექსიკონი

იხილე აგრეთვე

ივანე როსტომაშვილი