თუშეთის ტილჭირი

11:52, 24 მაისი 2019-ის ვერსია

თუშეთის ტილჭირი

თუშეთის ტილჭირი – (Aconitum nasutum Fisch. Ex Rchb. = Aconitum tucsheticuk[N. Busch] N.); ოჯახი: ბაიასებრნი (Ranunculaceae). მრავალწლიანი ბალახოვანი მცენარეა. ღერო წვრილია, შიშველი. ფოთლები მოხაზულობით კვერცხისებურია, თათისებურად განკვეთილი ლანცეტა სეგმენტებად, რომელთაგანაც შუათანა უფრო გრძელია, ვიდრე დანარჩენები და თითქმის თანაბრად, ფრთისებურადაა განკვეთილი. ყვავილედი დატოტვილია, მეჩხერი საგველასებური. ყვავილის ყუნწები წვრილია, ყვავილის ძირთან გაფართოებული, ყვავილები მკრთალი ცისფერია. ყვ. ნაყ. VII-VIII. ეს მცენარე კავკასიის ენდემია და დამახასიათებელია ტყის ზედა და სუბალპური სარტყლების ბუჩქნარებისა და ფერდობებისათვის. მისი ნახვა შესაძლებელია თუშეთის დაცულ ტერიტორიაზე, სოფელ დართლოსკენ მიმავალ გზაზე. საქართველოში, თუშეთის გარდა, არსად გვხვდება. სახეობა აღწერილია თუშეთში 1867 წელს.

წყარო

კახეთის რეგიონის მცენარეები