მტკავლისტოლა კაცი
NPLG Wiki Dictionaries გვერდიდან
(სხვაობა ვერსიებს შორის)
(ახალი გვერდი: '''მტკავლისტოლა კაცი''' − ქალთუდს (თუშეთში) მეცხვარეებ...) |
მიმდინარე ცვლილება 17:04, 24 თებერვალი 2020 მდგომარეობით
მტკავლისტოლა კაცი − ქალთუდს (თუშეთში) მეცხვარეებს ენახათ მტკავლისტოლა კაცი, ძალიან ნელა მოდიოდა თურმე. მეცხვარემ ჰკითხა, საით მიდიხარო და დართლოს ამოსაწყვეტადო, უპასუხნია მტკავლისოდენა კაცს. მერე ასეთი სიარულით როდის უნდა ჩახვიდე დართლოშიო? როგორც არ უნდა ვიარო, სამ წელიწადში ხომ ჩავალო! და მართლაც სამი წლის შემდეგ დარევია ჭირი დართლოელებს და სულ გაწყვეტილან. აკლდამებში შესულან და ყველანი იქ დახოცილან. დართლოელები თურმე სტუმარს რომ ფაფაში ერბოს ჩაუდებდნენ და სტუმარი აღარ შეჭამდა, ერბოს გადასწურავდნენ და ოჯახის წევრებს უერბოო ფაფას აჭმევდნენ. დართლოელები მათმა ცოდვამ გაწყვიტაო, ამბობენ.
