კითერონი
NPLG Wiki Dictionaries გვერდიდან
11:58, 30 ივნისი 2017-ის ვერსია, შეტანილი Tkenchoshvili (განხილვა | წვლილი)-ის მიერ
კითერონი – (ბერძნ.) მითოსური მეფე. იგი ბეოტიის ქალაქ პლატეაში იმ მთის მახლობლად ცხოვრობდა, რომელსაც მისი სახელი ერქვა.
სწორედ კითერონის რჩევით დააცხრო ჰერას მძვინვარება ზევსმა, როდესაც თავის ეტლში ტანშემოსილი გოგონას ქანდაკება ჩამალა. ჰერამ თვალი ჰკიდა მეუღლის დამძიმებულ ეტლს და მოულოდნელად თავს წაადგა. როდესაც დარწმუნდა, რომ ამაოდ ეჭვიანობდა ზევსზე, წარსულის ყველა ღალატი დაივიწყა და შეურიგდა დიად მეუღლეს.
თავისი მღვიმეებით ცნობილი კითერონის მთა ერინიათა და წინასწარმეტყველ ნიმფათა თავშესაფარი იყო.
